ငပုတောမြို့နယ်တရားရုံးအဆောက်အဦသစ် ပန္နက်တော်တင်မင်္ဂလာအခမ်းအနားကျင်းပ

ငပုတော၊ ဇန်နဝါရီ ၂၅

       (၂၅ - ၁ - ၂၀၂၂) ရက်နေ့ ၊ နံနက် ( ၀၉ : ၁၅ ) နာရီ  မင်္ဂလာအချိန်တွင်     ဧရာဝတီတိုင်းဒေသကြီး တရားလွှတ်တော်တရားသူကြီးချုပ် ဦးဝင်းမြင့်၊ တိုင်းဒေသကြီး တရားလွှတ်တော်တရားသူကြီး ဦးဝင်းမြိုင်၊ တိုင်းဒေသကြီးတရားရေးဦးစီးမှူး ဒေါ်ထွေးထွေး၊ ပုသိမ်ခရိုင်၊ ဒုတိယခရိုင် တရားသူကြီး ဦးသောင်းထွန်း၊ ငပုတောမြို့နယ်အုပ်ချုပ်ရေးမှူး ဦးကျော်သူ၊ ငပုတောမြို့နယ်တရားသူကြီး ဦးကျော်ကိုကိုနိုင်တို့က ငပုတောမြို့နယ်တရားရုံး အဆောက်အဦသစ်တည်ဆောက်မည့် ဦးပိုင်အမှတ် - ၈၅၊ ငပုတောတောင်ကွင်း၊ ကွင်းအမှတ် - ၁၃၈၇ ၊ မဂ္ဂင်လမ်းမကြီး၊ တောင်ပိုင်းရပ်ကွက်၌ ပန္နက်တိုင်များစိုက်ထူ၍ အမွှေးနံ့သာရည်များ ပက်ဖျန်းခဲ့ကြပါသည်။