၂၀၂၂ ခုနှစ် ဇူလိုင်လ (၁) ရက်နေ့ မှ စတင်၍ နိုင်ငံတစ်ဝန်း မှုခင်းစီမံခန့်ခွဲမှုအစီအစဉ် (CMP) အကောင်အထည်ဖော်ဆောင်ရွက်မည့် ကြံခင်းမြို့နယ်တရားရုံး၊ မြန်အောင် မြို့နယ်တရားရုံး နှင့် အင်္ဂပူမြို့နယ်တရားရုံးတို့တွင် မိတ်ဆက်ရှင်းလင်းခြင်း အခမ်းအနား ကျင်းပ

  

၂၀၂၂ခုနှစ် ဇူလိုင်လ(၁)ရက်နေ့မှစတင်၍ နိုင်ငံတစ်ဝန်းမှုခင်းစီမံခန့်ခွဲမှုအစီအစဉ် အကောင်အထည်ဖော် ဆောင်ရွက်မည့် ကြံခင်းမြို့နယ်တရားရုံး၊ မြန်အောင်မြို့နယ်တရားရုံး နှင့် အင်္ဂပူမြို့နယ်တရားရုံးတို့တွင် မှုခင်းစီမံခန့်ခွဲမှုအစီအစဉ် မိတ်ဆက်ရှင်းလင်းခြင်းအခမ်းအနားများကို (၂၂-၆-၂၀၂၂) ရက်နေ့က သက်ဆိုင်ရာ မြို့နယ်များတွင် ကျင်းပပြုလုပ်ခဲ့ရာ ဧရာဝတီတိုင်းဒေသကြီးတရားလွှတ်တော်တရားသူကြီးချုပ် ဦးဝင်းမြင့်က မိတ်ဆက်အမှာစကား ပြောကြားခဲ့ပြီး မှုခင်းစီမံခန့်ခွဲမှုအစီအစဉ် (CMP) ညှိနှိုင်းရေးမှူးအဖြစ် တာဝန်ယူ ဆောင်ရွက်နေသော  ဒုတိယညွှန်ကြားရေးမှူး ဒေါ်ခင်ချိုထက်က မှုခင်းစီမံခန့်ခွဲမှုအစီအစဉ် (CMP)နှင့် စပ်လျဉ်း၍ တက်ရောက် လာသူများက မေးမြန်းချက်များအပေါ် ရှင်းလင်းပြောကြားခဲ့ပါသည်။

အခမ်းအနားတွင် မိတ်ဆက်အဖွဲ့အစည်းများဖြစ်သည့် မြို့နယ်အထွေထွေအုပ်ချုပ်ရေးဦးစီးဌာန၊ မြို့နယ် စီမံအုပ်ချုပ်‌ရေးကောင်စီ၊ ရှေ့နေရှေ့ရပ်များ၊ ရပ်ကွက်/ကျေးရွာအုပ်ချုပ်ရေးမှူးများ၊ မြို့နယ်ရဲတပ်ဖွဲ့၊ မြို့နယ်ဥပဒေအရာရှိ နှင့် ဌာနဆိုင်ရာအကြီးအကဲများ တက်ရောက်ကြပြီး မြို့နယ်တရားသူကြီးများက မှုခင်းစီမံခန့်ခွဲမှုအစီအစဉ်(CMP)နှင့်စပ်လျဉ်း၍ Power Point ဖြင့် ရှင်းလင်းတင်ပြခဲ့ပါသည်။